సుమధుర స్వరముల గానాలతో

సుమధుర స్వరముల గానాలతో - వేలాది దూతల గళములతో
కొనియాడబడుచున్న నా యేసయ్యా - నీకే నా ఆరాధన 
మహదానందమే నాలో పరవశమే నిను స్తుతియించిన ప్రతీక్షణం 
                   
ఎడారి త్రోవలో  నేనడచిన - ఎరుగని మార్గములో నను నడిపిన
నా ముందు నడిచిన జయవీరుడా - నా విజయ సంకేతమా 
నీవే నీవే - నా ఆనందము
నీవే నీవే - నా ఆధారము  
                   
సంపూర్ణమైన నీ చిత్తమే - అనుకూలమైన సంకల్పమే
జరిగించుచున్నావు నను విడువక  - నా ధైర్యము నీవేగా  
నీవే నీవే - నా జయగీతము
నీవే నీవే - నా స్తుతిగీతము 
              
వేలాది నదులన్ని నీమహిమను - తరంగపు పొంగులు  నీబలమును
పర్వత శ్రేణులు నీకీర్తినే - ప్రకటించుచున్నావేగా
నీవే నీవే - నా అతిశయము
నీకే నీకే - నా ఆరాధన